Според мислењето на офталмолозите, возрасните лица над 50 години треба најмалку еднаш годишно да одат на преглед кај офталмолог за да утврдат дали имаат сенилна макуларна дегенерација.
Треба да се има на ум дека нејасниот и замаглен вид не мора да биде знак на стареење, туку може да биде симптом на сенилна макуларна дегенерација.
Сенилната макуларна дегенерација е водечка причина за тешко губење на видот кај луѓето на возраст од 50 и повеќе години
Заедно со стареењето, сенилната макуларна дегенерација е поврзана со долготрајна изложеност на факторите на ризик, како што се пушењето цигари, сончевата светлина и оскудната исхрана. Исто така, треба да се напомене дека и генетиката игра улога во развојот на сенилна макуларна дегенерација.
Патем, редовното вежбање и исхраната богата со зелен, лиснат зеленчук и риба може да помогне да се зачува видот. Подеднакво контролирање на холестеролот и крвниот притисок, избегнување на пушењето и заштита на очите од сонцето, исто така, можат да помогнат да се спречи макуларната дегенерација поврзана со стареењето, пишува „Penn State“.
