Тегобите се јавуваат речиси во сите превозни средства, но јачесто при патување со брод, авион, автобус и автомобил, а поретко во воз. Се манифестираат со вртоглавица, мачнина, повраќање, нагласено потење и пад на крвниот притисок, а од овие пореметувања главно патат жените, повозрасните лица и децата до 12 години.
Иако не претставува долгорочен проблем, ниту, пак, остава трајни последици по здравјето, болеста на движење создава непријатни тешкотии кои можат да ја уништат убавината на патувањето. Кинетозата се јавува како последица на големиот број надразнувања на кои е изложен организмот при возење со кое било превозно средство. При возењето, мозокот мора да се избори со различни пораки – видот испраќа погрешна информација дека личноста се движи, делот на увото задолжен за рамнотежа на телото регистрира движење, додека сензорите сместени во мускулите и во тетивите не чувствуваат движење. Како последица на тоа се јавува оваа болест.
СОВЕТИ
- Сконцентрирајте се на оддалечена точка на хоризонтот при возењето;
- Ако патувате со автомобил, возете се на предно седиште;
- Доколу сте во можност, ако патувате со кола, застанете секој пат кога ќе почувствувате мачнина;
- Избегнувајте да читате додека патувате;
- Избегнувајте прејадување пред пат и консумирање газирани напитоци;
- Не тргнувајте гладни на пат, изедете лесен оброк;
- Ако патувате со брод или со авион, изберете места каде помалку ќе го чувствувате движењето;
- Земете природни лекови кои можат да ја спречат појавата на мачнини.
