Имено, жените кои ги оставаат цигарите во првото тромесечје од бременоста значително го намалуваат ризикот од предвремено породување, докажало ново истражување. Пушењето во бременоста не само што го зголемува ризикот од предвремено породување, туку доаѓа и до раѓање на недохранети бебиња, бебиња со дишни пореметувања, а значително се зголемува и можноста да додје до фатален исход.
Студијата на Медицинскиот факултет во Њу Хемпшир истражувала 25 милиони трудници, особено во првите три месеци од бременоста, во период од 2011 до 2017 година.
Се покажало дека трудниците кои престанале да консумираат тутун на самиот почеток од бременоста за дури 20 проценти го намалиле ризикот од предвремено породување и можни компликации, па дури и ако претходно биле страствени пушачи.
За среќа, во последните неколку години зголемен е трендот на оставање на цигарите, а бројот на жени кои воопшто пушат во првото тромесечје значително се намалил. Интересно е дека бројот на жени кои во потполност ги оставиле цигарите е статичен од 2010 година, односно само една од четири жени во потполност успеваат да ги остават цигарите за време на бременоста. Зошто?
Причината е стресот!
„Бременоста е период во кој жената трпи многу стрес, а цигарите се само еден начин тој стрес да се намали“, наведува авторот на студијата Самир Сонеци.
