ОТЕЧЕНИ ЗГЛОБОВИ
Доколку ви се отечени зглобовите над петата, можно е да имате едем. Станува збор за прекумерна акумулација на течност во зглобовите. Едемот и воопшто отекувањето на нозете обично се смирува само по себе. На пример, на крајот на денот кога ќе ги дигнете нозете и ќе се релаксирате. Но, ако оваа состојба трае веќе некое време, ќе мора да појдете на лекар. Најверојатно ќе добиете чорапи кои ќе ве стегнат и така ќе ви се намали отокот.
ЕКСТРЕМНО СУВИ СТАПАЛА
Ако вашите стопала не се исклучително суви поради гелот за туширање, топлата вода или едноставно поради стареење, тоа, исто така, може да биде знак за слаба циркулација, што е резултат на артериска болест. Талогот со тек на времето се наталожува во клетките на крвните садови, што на крај го зголемува ризикот од срцев удар. Прекумерно сушење, исто така, може да биде и знак на микоза. Експертите сметаат дека прво кожата треба да се третира со хидратантни и богати креми за да со сигурност се знае дали тоа е поради недостиг на хидратација или нешто посериозно. Ако и секојдневното хидратизирање со креми не помага, проблемот треба лекарски да се реши.
ГРЧЕВИ
Тоа обично значи дека на организмот недостасува магнезиум, калциум и калиум. Тоа може да е знак дека на вашето тело му треба повеќе вода во текот на денот. Но, ако зачестено се појавуваат, тогаш со сигурност станува збор за недостаток на овие минерали. Се препорачува тие да се земаат пред спиење, за да делуваат во текот на ноќта, сметаат нутриционистите. Внесувајте повеќе храна богата со калциум – како на пример јогурт, зелена салата, риба, јаткасти плодови, портокали и тофу. За правилно искористување на калциумот важен е витаминот Д.
СТУДЕНИ НОЗЕ
Ако постојано имате студени нозе, можно е вашата тироидна жлезда да не работи правилно. Резултат на тоа е намалено лачење на хормони кои се неопходни за регулирање на метаболизмот. Нуспојава на оваа состојба е способноста на телото да обезбеди доволно топлина на телото што предизвикува вашите нозе и раце да бидат постојано ладни.
