Неколку влакненца на градите, односно околу брадавиците и не се проблем, проблем постои ако влакнетоста се шири на други делови од телото и ако забележите промени на телото. Проблемот може да се крие во полицистичните јајници, така што би требало секако да појдете на лекар или гинеколог.
Синдромот на полицистични јајници (PCOS) е болест со која се соочуваат голем број жени, а која доведува до нерамнотежа на половите хормони. Може да резултура со проблематичен менструален циклус и потешкотии да се забремени. Синдромот на полицистични јајници, исто така, може да резултира со несакани промени во изгледот. Тие се тивок проблем кој се открива претежно на гинеколошки преглед, со помош на ултразвук. Повеќето гинеколози во тааа ситуација ќе ви постават прашање во врска со циклусот. Понекогаш состојбата се средува сама од себе, откако ќе престане стресот на кој сте изложени. Но ако не се лекува со текот на времето може да доведе до сериозни проблеми со здравјето – дијабетес, срцеви заболувања или карциноми.
Синдромот на полицистични јајници до некаде е вообичаен, зафаќа една од 15 жени. Симптомите често се појавуваат во тинејџерските години. Лекувањето може да ги контролира симптомите и да спречи долгорочни проблеми. Како и влакненцата на градите и останатите симптоми знаат да бидат мошне благи. Може да имате само неколку (еден – два) или повеќе во исто време.
Најчести симптоми на PCOS се:
– Акни;
– Добивање на тежина или проблеми со губењето тежина;
– Влакненца по лицето или телото (дополнителни, впечатливи);
– Продолжен менструален циклус;
– Изостанок на менструалниот циклус;
– Крвавење од матката кое се јавува на неправилни растојанија;
– Болка во долниот дел од стомакот;
– Значителна болка за време на менструацијата;
– Разретчување на косата на темето;
– Проблеми со плодноста;
– Депресија.
