Младите жени со покачен крвен притисок пред бременоста се изложени на поголем ризик од пометнување, покажало новото истражување во кое учествувале 1 228 жени. Ризикот од спонтан абортус се зголемува за околу 18 проценти за секое покачување на дијастолниот крвен притисок за 10 mm Hg, пренесува „Hypertension“.
Ова е прва студија која покажува дека не само зголемувањето на крвниот притисок за време на бременоста е поврзано со негативни исходи на бременоста, туку и зголемувањето на крвниот притисок пред бременоста.
Се смета дека зголемувањето на крвниот притисок всушност е показател за други здравствени проблеми. Секако, треба да се има на ум дека колку е поголемо зголемувањето на крвниот притисок, толку е поголем ризикот од спонтан абортус
Инаку, кај младите возрасни лица во нивните дваесетти и триесетти години, дијастолниот крвен притисок е подобар индикатор за подоцнежен развој на кардиоваскуларни болести од систолниот крвен притисок.
