За олеснување на болките во мускулите по интензивен тренинг или скијање, но и по повреди, како и за намалување на ревматски болки одлично годи маслиново масло, лаванда и кристали од камфор. Овие три состојки се користат во препаратите против болки, но многу е едноставно и сами може да го направите рецептот.
Истражувањата потврдија дека екстра девственото маслиново масло делува како природен лек против болки. Тоа, всушност, ја содржи супстанцата oleocanthal, па се повеќе се додава во кремите против болки при воспалителни дегенеративни болести на коските и зглобовите.
Лавандата помага при отстранување на болката, а во ароматерапијата се користи за смирување, релаксирање и отстранување на чувството на напнатост. Етеричното масло од лаванда се користи како додаток во средствата против ревматски болки и болки во мускулите, ја ублажува мигрената и главоболката ако со него се намачкаат слепоочниците и вратот, челото или кожата зад ушите.
Камфор е бела, кристална материја со силен, продорен мирис, добиена од зимзелено камфорово дрво (Cinnamomum camphora) кое изворно потекнува од Источна Азија и Северна Африка. Ја забрзува циркулацијата, лади и ја ублажува болката. Станува збор за карактеристична компонента на т.н. коњски балсам.
Потребни состојки:
- 10 г сушени цветови од лаванда,
- 2,5 дл екстра девствено маслиново масло,
- 40 г кристали камфор.
Подготовка:
Лаванда може да најдете во билна аптека. Ставете ги цветовите во тегличка со широко грло, полијте ги со маслиново масло, покријте со капак и оставете да стои на топло место околу два месеца.
Потоа процедете низ газа и префрлете во темни шишенца, кои ќе ги чувате на темно, ладно место. Имате одлично масло за нега на кожата кое се користи навечер после туширање. Исто така, делува и смирувачки, па ќе ви помогне полесно да заспиете.
Според потребната количина за масажа на болни мускули, на 2,5 дл масло додадете 40 г кристали камфор. Иситнете ги кристалите и добро помешајте ги со маслото за да се стопат. Масирајте по потреба – нема ограничување за употреба.
