Во моментов, околу 450.000 лица во светот се опоравуваат од КОВИД-19, а бројката постојано се зголемува… Лоша вест е дека не е сигруно дали еднаш заразено лице е отпорно на повторна зараза и токму тука е важен имуниот систем.
Сите знаеме дека имунитетот е целосна заштита од болеста, но според пишувањата на Центарот за контрола и превенција на болести, работата е многу покомплицирана од тоа. Вродениот имунитет е присутен од раѓање, стекнатиот имунитет е специфичен одговор на одредени антигени или на група поврзани антигени. Стекнатиот имунитет се дели на активен и пасивен.
Разликата зависи од тоа како телото е запознаено со вирусот и бактеријата за кои развил антитела, и колку тие може да превенираат идни заболувања. Добра вест е дека двете форми на имунитет може да одиграат голема улога во заштита од коронавирусот.
ШТО Е АКТИВЕН ИМУНИТЕТ И КАКО СЕ СТЕКНУВА?
Активниот имунитет се стекнува кога организмот е изложен на болест, и тој поттикнува имунолошкиот систем да продуцира антитела за таа болест. Тоа може да се случи на два начина: или преку инфекција (значи по природен пат) или преку вакцина.
Со вакцинацијата се создава имунитет сличен на оној по природно заболување, но без изложување на болеста и нејзините можни компликации. Овој тип на имунитет ќе му помогне на имуниот систем да препознае одредени болести и ќе влијае на производството на антитела потребни за организмот да се одбрани од болеста. Активниот имунитет е долготрајна заштита, но е зависен од одредената болест.
Иако се потребни уште многу истражувања, смета д-р Џејми Мајер, професор на Универзитетот Јеил, сигурно е дека и активниот и пасивниот имунитет може да бидат заштита од коронавирусот.
Научниците сепак, во моментов, целиот фокус го насочуваат на проучување на стекнатиот имунитет кај лицата кои се опоравиле од заразата.
ИМУНИТЕТ НА ПОВТОРЕНА ИНФЕКЦИЈА
Пред неколку недели, на состанокот на Светската здравствена организација, д-р Мајкл Рајан, директор на нивната програма за итни ситуации, споделил дека се уште е непознаница дали лица кои се опоравиле од заразата со коронавирус, можат повторно да бидат жртви на истиот вирус, и кој тип на имунитет е потребен за борба против вирусот.
“Би очекувале дека пациентот развил антитела и дека така е заштитен на подолг период. Сепак, тешко е било што да се тврди бидејќи се уште работиме на нов, непознат вирус“, изјави д-р Рајан.
Сепак, некои стручњаци се согласуваат дека еднаш заразено лице сепак развило некаква форма на заштита.
Ако овој вирус се однесува како сите останати, еднаш кога лицето ќе се зарази, па ќе се опорави, мора да стекне имунитет како би се заштитило од повторна зараза, смета д-р Ентони Фаучи, владин стручњак за инфективни болести во САД.
ШТО Е ПАСИВЕН ИМУНИТЕТ?
Пасивен имунитет е заштита стекната со развој на антитела на болеста низ сопствениот имун систем. Оваа заштита е временски ограничена, вообичаено на неколку недели или месеци. Преносот на антитела од мајка на дете низ плацентата е еден од примерите за стекнат имунитет.
Една од големите предности на пасивниот имунитет е тоа што веднаш нуди заштита, но не делува долго како активниот имунитет и губи на сила низ неколку недели.
Сепак, и ова е корисна информација оти може да помогне кај коронавирусот:
“Со давањето антитела од крв на лице кое се опоравило од заразата на пациенти кои се болни или се повозрасни со цел да се превенираат компликации и побрзо опоравување“, смета д-р Мајер и додава дека сепак се потребни дополнителни истражувања.
