Во кои моменти слабее имунитетот?

Имуниот систем е колективна сила на клетки, ткива и мембрани сместени по целиот организам.

Нашиот имун систем секој ден работи неверојатна работа во борба со бактериите и останатите напаѓачи. Поголем дел од времето работи беспрекорно, но понекогаш кога ќе се пробие заштитната ограда, се разболуваме.

Имуниот систем е колективна сила на клетки, ткива и мембрани сместени по целиот организам.

Прва бариера е кожата, која стопира најголем дел од бактериите. “Нашата кожа има благо кисело Пх ниво, што ги спречува бактериите да влезат во телото“, објаснува германскиот интернист Урлих Фоелш.

Како телото само си помага

Слузница, влакненца во носот, цилијарните клетки во дишните патишта – сите се задолжени за тоа да поголемиот дел од бактериите нема никакви шанси да му наштетат на организмот.

Бактериите често влегуваат во организмот бидејќи сами им помагаме, како на пример преку храната. Таму ќе ги стопира плунката, а ако не успее, ќе ги уништи желудочната киселина. Ако сето тоа не е доволно, на сцена стапува имуниот систем. Тоа едноставно значи дека група клетки ќе го изедат сето она што им изгледа како туѓо тело.

Белите крвни зрнца создаваат антитела кои се специфично наменети за борба против точно одреден патоген.

“Тоа е така, бидејќи имуниот систем има некаков вид на меморија и може да се сети дека веќе претходно се борел со тие бактерии“, објаснува Фоелш.

Ако телото по втор пат е соочено со напад на истиот патоген, специфичниот имун систем го препознава и брзо го решава.

“Ако шарлах сте имале еднаш, нема да имате втор пат. Но, тоа не важи за грипит, оти вирусите мутираат и се исти. Затоа грип имаме повеќе пати во животот“, потенцира тој.

Што не разболува?

Поголема е веројатноста дека некој ќе заболи ако имуниот систем е ослабен. Причина за тоа може да бидат стресот и недоволното спиење, но и сериозни состојби како хронични болести или имунодефициенција. И антибиотиците го слабеат имуниот систе.

“Со нив треба претпазливо и внимателно. Антибиотиците не ги уништуваат само патогените, туку се она што ќе им се најде на патот, вклучувајќи ги и добрите бактерии“, нагласува д-р Фолеш.