Најдобар начин за превенција од меланом секогаш е редовната контрола на младежите и другите промени на кожата. Еве какви видови младежи има и како навреме да се забележат промените на нив.
Јункционален меланоцитичен младеж
Тоа е младеж кој настанува уште во раната возраст кај децата и младите. Најчесто се појавува налик на мали точкички и може да се наоѓа секаде по телото. Мошне се ретки случаите во кои таквите видови младежи настануваат во 50-те или 60-те години од животот. Само по себе е безопасен и личи на пегичка. Главно се кафеави, темнокафеави или дури и црни.
Сложен младеж
Најчесто е безопасен. Може да го има секој и може да биде со различен интензитет, со посветла или темнокафеава боја. Средниот дел обично е издигнат и тука се сместени пигментни клетки. Во повеќето случао станува збор за бенигна творба која ретко се претвора во поопасни облици.
Интрадермален младеж
Обично е со боја на кожа или благо светлокафеав и тие најчесто се отстрануваат од естетски причини ако на личностите им пречат или постојано ги повредуваат. Главно ги има на главата, вратот и горниот дел од телото, а понекогаш од нив можат да растат и влакна. Најчесто се безопасни.
Пегички
Тие се чести кожни промени кај луѓето со светол тен, кои можеби имаат и малку црвеникава коса или веги, сини очи. Не се опасни и не бараат лекување и никогаш не преминуваат во меланом. Со оглед на тоа дека станува збор за пигментни клетки кои реагираат на УВ зрачење, на кожата ги има повеќе во текот на летото отколку назима.
Лентиго
Во прашање се кафеави дамки налик на пеги кои се јавуваат во пределот на рамото и на горниот дел од грбот. Настануваат ако кожата е ошттена заради често изложување на сонце. Личноста која има многу такви промени, секако, би требало да се побара совет од дерматолог, затоа што заради долго изложување на сонце постои опасност од развој на меланом.
Диспластичен или атипичен младеж
На телото може да се јави само еден таков младеж, а можат да се јават и повеќе. Може да се појават каде било и кај овој тип човек треба да биде внимателен затоа што настануваат како резултат на изложување на сонце. Може да имаат различна боја и форма, и секој кој ќе го забележи на кожата обавезно треба да појде на лекар заради контрола. Обично таквите младежи се големи, рамни и со неправилни рабови и пигментации.
При набљудувањето на младежите и промените на нив треба да се запамети едноставното АБЦДЕ правило:
Асиметрија – ако е со нееднаква висина, различни бои, на еден дел поголем или потенок, треба да се побара лекарско мислење;
Border (рабови) – ако рабовите не се правилни, туку назабени;
Color (боја) – ако боите во младежот се различни или одеднаш ја сменил бојата;
Дијаметар – ако младежот почнал да ги менува пропорциите и ненадејно се шири;
Evolving (развој) – ако младежот почнал да расте или се менува, време е за посета на дерматолог.
ВАЖНО: Ниедна од наведените промени не е алармантна и важно е да се предупредат луѓето дека меланомот успешно се лекува доколку навреме се открива.
