Дали меланомот почесто се развива од постоечки или новосоздадени младежи?

Меланомот е многу полесно да се третира успешно ако се открие рано, а растот е ограничен на надворешниот слој на кожата или епидермисот. Ако не се открие во рана фаза, може да навлезе во подлабоките слоеви и да се прошири на другите делови од телото (метастази). Откако ќе се прошири меланомот, многу е тешко да се лекува, а шансите за преживување значително се намалуваат

Дали меланомот почесто се развива од веќе постоечки, или нови младежи и израстоци на кожата? – е темата на истражувањето на научниците од Италија и Грција, објавено во „Journal of the American Academy of Dermatology“.

Резултатите покажале дека меланомот, најсмртоносната форма на рак на кожата, најчесто се развива како нов израсток, а поретко од постоечките младежи. Меланомот е особено агресивен рак на кожата, кој започнува како мутација во меланоцитите – клетки кои и даваат боја на кожата. Мутираните клетки растат абнормално и формираат тумори. Најчеста причина за меланом е изложеноста на ултравиолетовата (УВ) светлина, како што е сончање или посета на солариум. УВ зраците можат да ги менуват клетките на кожата и да ја оштетат нивната ДНК.

Главниот заклучок на оваа студија бил дека повеќето, 70,9 проценти меланоми се развиваат од новосоздадените творби, а помал дел од 29,1 проценти од веќе постоечките младежи.

Меланомот е многу полесно да се третира успешно ако се открие рано, а растот е ограничен на надворешниот слој на кожата или епидермисот. Ако не се открие во рана фаза, може да навлезе во подлабоките слоеви и да се прошири на другите делови од телото (метастази). Откако ќе се прошири меланомот, многу е тешко да се лекува, а шансите за преживување значително се намалуваат.

Резултатите од претходните студии покажале спротивни резултати

Во претходно споменатата студија, научниците објаснуваат дека поранешните докази за тоа како настанува меланомот – од постоечки младеж или од нов израсток биле измешани. Научниците забележале дека од крајот на четириесеттите години на минатиот век студиите за меланом имале различни податоци околу прашањето како настанува овој рак на кожата. Според некои од овие студии, само четири отсто од меланомите произлегле од постоечките младежи, за разлика од другите студии во кои биле изнесени заклучоци дека меланомот во 72 отсто од случаите настанал од веќе постоечки младежи односно израстоци на кожата.

Резултатите покажале дека меланомот, најсмртоносната форма на рак на кожата, најчесто се развива како нов израсток, а поретко од постоечките младежи

Истражувачите како главна причина за ваквите резултати го навеле пристапот во толкување на резултатите. Имено, студиите разгледувале различни аспекти на ракот и неговото потекло, како што се дебелината на туморот и основните карактеристики на младежот или израстокот. Тие истакнале дека карактеристиките на младежите или другите кожни израстоци многу тешко или дури невозможно е да се одредат во смисла на тоа дали биле присутни од раѓање или се новосоздадени, бидејќи меланомот го деформира или уништува местото на коешто биле.

Затоа за новото истражување (објавено во 2017 година) биле прибрани и анализирани податоци на пациенти кај кои лекарите успеале да утврдат дали меланомот се развил од постоечки или новосоздаден израсток. Експертскиот тим спровел 38 опсервациски студии на вкупно 20 126 меланоми. Главниот заклучок на оваа студија бил дека повеќето, 70,9 проценти меланоми се развиваат од новосоздадените творби, а помал дел од 29,1 проценти од веќе постоечките.

Авторите уште откриле дека меланомите кои настануваат од постоечките младежи се потенки од оние кои се новосоздадени кожни израстоци, што значи дека пациентите со таквите тумори имаат подобра прогноза за лекување.