Не е едноставно да се престане да се јаде по честите големи оброци за време на празниците, но овој тродневен третман на чистење може да биде одличен почеток на диета и враќање на организмот во нормала.
Зошто е корисен краткиот детокс?
По празниците се чувствуваме надуено, тешко и едноставно надвор од секојдневниот ритам. Пред и за време на празниците неретко јадеме повеќе од што треба, а често и се прескокнува физичката активност. Тродневните диети се корисни бидејќи туркаат назад во нормалната рутина и мотивираат да се подобрат прехранбените навики.
По овој тродневен детокс телото сигурно поинаку ќе ви се чувствува, а можно е да забележите и ситни промени.
Што треба да се јаде?
- Сите три дена потребно е да се консумира целосно природна храна. Тоа ќе го промени начинот на кој реагира вкусот и повеќе нема одеднаш да имате изразена желба за солена, крцкава или масна храна, на која сте навикнале за време на празниците.
- Престанете да јадете нездрави и прости јаглехидрати. Заобиколете ги пекарските производи и фокусирајте се на немасни протеини, риба, варен и суров зеленчук.
- Не ја солете храната и не користите сосови за храна. Многу сосови како дресинг за салати или сосови за скара се преполни со шеќери и натриум поради кои се надуени и задржувате вода во телото.
- Консумирајте овошје кога имате желба за слатко. Ова ќе биде многу тешко првиот и вториот ден, бидејќи се создала навика да посегате по колачи и други слатки работи.
- Внесувајте големи количини вода. Забрането е да се внесуваат сокови, газирани пијалаци, алкохол и сите останати засладени верзии. Најдобро е да пиете само вода и природни чаеви. Во водата слободно може да додадете краставица, киви, портокал и други бобинки.
