Телото секојдневно е изложено на различни токсини – од храната, водата и воздухот. Тоа доведува до таложење на токсини во телото што резултира со надуеност, лош тен, недостаток на елан и нагли промени на расположението.
Ова се пет сигурни знаци дека на телото му е потребна детоксикација
Нагли промени на расположението
Стресот е „лепак„ за токсините кои го слабеат организмот до таа мера што доаѓа до пад на енергијата во телото, поради што се зголемуваат чувствата за страв, нервоза, лутење и љубомора.
Совет: Научите да се опуштите – ова е најдостапен и најефтин лек против стрес. Овозможете му на телото преку ден, барем три пати по десет минути мир.
Надуеност
Забрзаниот дневен ритам води кон посегање за нездрава храна, па наталожените шеќери и маснотии во комбинација со стресот го успоруваат метаболизмот и предизвикуваат лошо варење и надуеност. Во овој случај страдаат цревата, кои не ја извршуваат својата примарна функција, апсорпција на хранливите состојки, што предизвикува лажно чувство на глад, кое резултира со прејадување и намалување на енергијата.
Совет: Во секојдневната исхрана, јадете што повеќе состојки кои ги елиминираат отровите од организмот, како што се јаболков оцет, лимон, свежо овошје и зеленчук, житарки и пијте чаеви од комприва, глуварче и бреза.
Недостаток на концентрација
Тивок индикатор на затруеност на телото со токсини кои предизвикуваат бурни реакции е пад на концентрацијата, па освен што се губи волја за работа, доведува и до паника, а со тоа состојбата дополнително се влошува.
Совет: Телото е како компјутер на кој од време на време му треба „рестарт„. Кога не го слушаме, доаѓа до блокада. Научете да ги препознете јасните симптоми што телото ги испраќа и обезбедете му одмор од било каков вид – вежбање, престој во природа, дружење и зголемен внес на минерали.
Лош квалитет на кожата
Митисери, акни, мрсна кожа, испукани капилари – сето ова се последици од токсините кои го спречуваат минувањето на нутриентите низ епидермот на кожата, што доведува до запушени пори.
Совет: Направете пилинг, ставете маска за чистење на кожата, па хидратантна маска. Пијте многу вода и чај и добро наспијте се.
