Вишокот на килограми честопати се поврзува со повисоки здравствени ризици, вклучувајќи проблеми со срцето, дијабетес и инфаркт. Но… Новата студија, сепак, покажа дека дебелите луѓе живеат среќно!
Студијата објавена во „Journal of the International Journal of Epidemiology“ ја спроведе група на научници од Универзитетот Бристол. Тие за време на истражувањето дојдоа до заклучок за корелацијата на индексот на телесна маса со здравствената состојба, што е познато од порано. Ова подразбира повисок крвен притисок, дијабетес и минување низ пубертетот во порани години.
Но, исто така, открија и дека пополничките луѓе имаат помирна состојба на умот, многу повеќе отколку што се очекувало. „На пример, испитаниците со повисок индекс на телесна маса себеси помалку се доживувале како нервозни личности и биле помалку напнати.“
Даша Николс, раководителката на Одделот за нарушувања во исхраната на Кралскиот колеџ за психијатрија, истакна дека начинот на исхрана може да има влијание врз нивната ментална состојба.
