Повеќекратната изложеност на анестезија пред третата година од животот може да има невропсихолошки ефект врз децата, но, сепак, не влијае врз интелигенцијата на детето, покажала новата студија во која учествувале 997 деца.
Тестовите покажале дека коефициентот на интелигенција не се разликува битно од статусот на изложеност на анестезија.
Меѓутоа, брзината на обработка на податоците и фините моторни вештини биле намалени кај децата кои повеќекратно биле изложени на анестезија. Кај децата кои само еднаш биле изложени на анестезија до тригодишна возраст не е утврден споменатиот дефицит.
Исто така, родителите на децата кои биле повеќекратно изложени на анестезија забележале потешкотии кај своите деца во извршните функции, однесувањето и читањето, наведува „Anesthesiology“.
