Истражување кое го спровеле американските научници од Универзитетот Синсинати покажало дека повеќето заболени од КОВИД-19 го губат осетот за мирис, третиод ден од заразата со новиот коронавирус SARS-CoV-2. Истовремено, голем процент од инфицираните лица го губат и осетот за вкус.
Резултатите од истражувањето покажале дека најмалку 61 процент од заболените со КОВИД-19 пријавиле намалување или комплетни губење на осетот за мирис.
Просечниот почеток на намалувањето или губењето на сетилото за мирис бил 3-4 ден по заразата.
Според информациите од истражувањето, колку губењето на осетот бил посериозен, толку и останатите симптоми на КОВИД-19 биле потешки. Па така, при целосно губењето на осетот за мирис, заболените од новиот коронавирус имале повисока температура, потешка кашлица и сериозно истакнат краток здив.
Се смета дека ако некој пациент има намален осет за мирис, може да се претпостави дека е во прва недела од текот на болеста, и дека го очекуваат уште една или две недели лекување.
