НОВ СИМПТОМ НА КОВИД-19: Аносмија или губење на осетот за мирис

Неколку лица кои заболеле од КОВИД-19 пријавиле аносмија како еден од симптомите, изјави втроиот човек на министерството за здравство во Франција, Џером Саломон

Познато е дека симптомите на болеста КОВИД-19, што ја предизвикува новиот коронавирус се температура, кашлица и губење на здив. Оториноларинголозите сега предупредуваат на уште еден симптом за кој веруваат дека е поврзан со овој вирус – губење на осетот за мирис.

Аносмија е изненадно губење на осетот за мирис, но без затнување на носот, понекогаш проследено со губење на осетот за вкус или агеузија. Неколку пациенти кои се заболени од КОВИД-19 ја пријавила аносмијата како еден од симптомите, потенцира д-р Џером Саломон од министерството за здравство на Франција.

Во случај на појава на аносмија, треба веднаш да се повика матичниот лекар и да се избегнува самолекување, предупредува д-р Саломон.

Но, симптомот е многу редок и најчесто се јавува кај помлади пациенти со блага клиничка слика на КОВИД-19. Француското здружение на оториноларинголози сепак повикува да се обрне внимание и на овој симптом.

Оториноларинголозите сега предупредуваат на уште еден симптом за кој веруваат дека е поврзан со овој вирус – губење на осетот за мирис.

“Постои очигледна врска помеѓу аносмијата и вирусот. Нема сите пациенти со КОВИД-19 да развијат аносмија, но сите изолирани пациенти со оваа состојба, без локално воспаление беа позитивни на коронавирусот. Лицата кои ќе искусат аносмија, мора да се изолираат“, тврди Жан-Мишел Клеин, претседател на националниот сојуз на оториноларинголози.

Тој напоменува дека класичната терапија за аносмија со кортикостероиди во ваков случај не смее да се користи, оти ќе го намали имунолошкиот одговор на организмот на вирусот. До сличен заклучок, поврзување на аносмијата со коронавирусот, дошле и германските и американските стручњаци.