Научниците нагласуваат дека повеќето од нас спијат во положба на фетус, но дека тоа не значи оти ќе спиеме како бебиња. Националната фондација за спиење истакнала дека 41 процент од луѓето спијат во положба на фетус, 7 проценти на стомак, 15 на страна и 8 на грб. Положбата на бебе е наследена низ еволуцијата затоа што тоа е природна положба која ги штити сите наши витални органи и тоа е положба која ја заземаме во матката. Интересно е дека повеќето трудници спијат во оваа положба.
Меѓутоа ова не е добра положба за спиење затоа што може да предизвика проблеми со дишењето и вкочанетост во зглобовите наутро. Најдобра положба за спиење е на грб затоа што така главата, вратот и ’рбетот се одмораат. Одлична е и за оние кои патат од рефлукс во желудникот и имаат проблеми со киселината.
Но, оваа положба е опасна за оние кои имаат апнеа, како и за оние кои ’рчат. Интересно е дека само една од десет личности спијат во оваа положба затоа што често е непријатна, а освен тоа е и положба во која луѓето често имаат кошмари. Тие одат од оние страшни соништа, па се до степен на парализа која се случува при спиењето во оваа положба. За среќа, ретко кога се сеќаваме на нашите соништа од оваа положба, што во случај на кошмарите може и да биде добра работа. Друга најдобра положба за спиење е онаа на страна.
