Фондот за здравствено осигурување со одлука ја утврдува висината на учеството на осигурените лица со лични средства (партиципација) во вкупните трошоци при користење на здравствените услуги и лековите.
ЗДРАВСТВЕНИ УСЛУГИ ВО ПРИМАРНАТА ЗДРАВСТВЕНА ЗАШТИТА
Учество за лекови на рецепт и ампуларни лекови
Осигуреното лице учествува во цената за секој издаден лек на рецепт од страна на аптеката според Листата на лекови во примарната здравствена заштита и за секој ампуларен лек со шприцеви и игли (за целокупната терапија на одредено заболување по секој налог) во примарната здравствена заштита според вредноста на лекот.
- за вредност до 25,00 денари ————————- 0 денари
- за вредност од 26,00 до 50,00 денари ————– 5,00 денари
- за вредност од 51,00 до 75,00 денари ————– 10,00 денари
- за вредност од 76,00 до 100,00 денари ————– 15,00 денари
- за вредност од 101,00 до 150,00 денари ———— 20,00 денари
- за вредност од 151,00 до 200,00 денари ———– 25,00 денари
- за вредност од 201,00 до 300,00 денари ———– 40,00 денари
- за вредност од 301,00 до 400,00 денари ————- 50,00 денари
- за вредност од 401,00 до 500,00 денари ————- 70,00 денари
- за вредност од 501,00 до 700,00 денари ————- 90,00 денари
- за вредност од 701,00 до 1.000,00 денари ———– 120,00 денари
- за вредност од 1.001,00 до 1.500,00 денари ——— 160,00 денари
- за вредност од 1.501,00 до 2.000,00 денари ——— 240,00 денари
- за вредност од 2.001,00 до 2.700,00 денари ——— 280,00 денари
- за вредност од 2.701,00 до 3.000,00 денари ——— 300,00 денари
- за вредност од 3.001,00 до 3.500,00 денари ——— 340,00 денари
- за вредност од 3.501,00 до 4.000,00 денари ——— 390,00 денари
- за вредност од 4.001,00 до 4.500,00 денари ——— 500,00 денари
- за вредност од 4.501,00 до 5.000,00 денари ——— 550,00 денари
- за вредност над 5.000,00 денари ———————- 600,00 денари
Домашно лекување по посета – 100,00 денари
Домашно лекување осигуреното лице остварува кога не е неопходно болничко лекување или како продолжено болничко лекување во домашни услови, во случај на:
- неподвижни или слабо подвижни болни;
- хронична болест во фаза на влошување или компликации;
- после сложени оперативни зафати кои бараат превивање и нега на раната;
- продолжување на болничко лекување по предлог на болничката здравствена установа;
- кај болни во терминална фаза на болеста потребата од домашно лекување ја утврдува лекар специјалист или субспецијалист од соодветната специјалност.
Во учеството од 100,00 денари за домашно лекување се опфатени сите здравствени услуги, лековите, медицинскиот потрошен материјал и други трошоци поврзани со домашното лекување.
Превозот со санитетско возило според медицински индикации освен за итна медицинска помош:
- на подрачјето на здравствената установа – 50,00 денари;
- надвор од подрачјето на здравствената установа до 50 км во еден правец – 200,00 денари;
- надвор од подрачјето на здравствената установа над 50 км во еден правец – 500,00 денари;
- надвор од Република Македонија – 20 % од цената на потрошеното гориво.
Превоз со санитетско возило по барање на граѓаните се плаќа полна цена на услугата.
