Долгите часови поминати на работа не му годат на крвниот притисок, сугерира новата канадска студија, работена во три јавни установи во провинцијата Квебек. Петгодишното истражување следело околу 3500 испитаници од кои третина пателе од хипертензија. Во однос на учесниците кои работеле помалку од 35 часа неделно, оние кои работеле повеќе од 49 часа имале и до 70 отсто поголем ризик за хипертензија.
Најчесто се работело за таканаречената маскирана хипертензија – висок крвен притисок кој може да се пропушти на рутински лекарски преглед. Може да се открие само тогаш кога притисокот се следи континуирано – дење и ноќе.
Умереното зголемување на ризикот за висок крвен притисок е забележан и кај личностите кои работеле само неколку прекувремени часа неделно. Сите испитаници работеле канцелариска работа. Ризикот подеднакво се однесува и на жени и на мажи.
