Грижата за минатото или стравот од иднината, најчесто се наши најголеми проблеми кои не делат од сегашните моменти. Премногу мисли, анализирање на се и сешто во главата создава стрес, анксиозност и страдање.
Сигурно сите во животот сме почувствувале дека не можеме да „излеземе од својата глава“ и да се препуштиме на тоа што го носи животот. Доколку таквата состојба потрае подолго или ни стане секојдневие, може и да се разболиме. Со лошите мисли, меѓу другото, го блокираме протокот на нова енергија и можност за изнаоѓање на решение за одреден проблем.
Како да се „испразни“ главата?
Премногу размислување, постојано преметнување на разни содржини по главата кои душата ги препознава како непотребен товар, навистина не спречува да ја почувствуваме убавината на животот. Како да си помогнете и да престанете да размислувате премногу, всушност е многу едноставно. Потребно е малку труд, добра волја и промена на сопствените наики. Ова се неколку совети кои може да инспирираат на промена и да ја „олеснат главата“ од непотребни мисли.
Прифатете ги проблемите – Прв чекор до растоварен живот е да си признаете дека сопствените мисли го загорчуваат животот. Доколку често сме мрзоволни, депресивни и безволни, причина за тоа може да бидат негативните мисли и анализи од кои не можеме да се ослободиме.
Дишење – Длабокото дишење помага да бидеме овде и сега. Нема ништо подобро од престој во природа, на свеж воздух и дишење со „полни гради“. Но, техниките на дишење може да се прават и во мирна домашна атмосфера, при што целосното внимание е насочено на дишењето.
Слушање и служење – Често во состојба на сопствена преоптовареност знаеме да ги преоптовариме и другите луѓе околу нас. Ако ја шириме негативната енергија и ако постојано се жалиме, зборуваме за нешто лошо што ни се случува, многу лошо влијаеме на околината.
Вежбање – Добро познат лек против насобраниот стрес и грижите е телесното движење. Кога вежбаме, спортуваме или шетаме, умот се смирува и празни. Сите лоши мисли исчезнуваат. Доволно е половина час дневно за лесно раздвижување, јога или шетање и малку појак тренинг три пати неделно, со спортување или танц.
Медитација – Не постои подобра техника за смирување на умот од медитација. Која медитација и да ја одберете секоја има иста цел, а таа е препуштање и опуштање на мозокот. Кога медитираме се поврзуваме со енергијата на природата и универзумот. При медитацијата егото исчезнува и се појавува вистинското јас.
Наши мисли, наша реалност – Ако сме заборавиле дека нашите мисли се толку моќни да ја креираат наша реалност, време е за потсетник. Ако постојано негуваме негативни мисли и расположение, не можеме да очекуваме ништо друго освен негативност во се што работиме.
