Прекумерното спиење го зголемува ризикот од кардиоваскуларни болести, па дури и смрт – покажало истражувањето кое следело 117 000 возрасни личности на возраст од 35 до 70 години.
Стапките на кардиоваскуларни болести (како мозочен удар или откажување на срцето) и смрт изнесувале 7,8 на 1000 меѓу испитаниците кои спиеле препорачаните шест до осум часа во текот на ноќта; 8,4 на 1000 кај испитаниците кои спиеле од осум до девет часа; 10,4 на 1000 кај испитаниците кои спиеле девет до десет часа; и 14,8 на 1000 кај испитаниците кои спиеле повеќе од 10 часа во текот на ноќта.
Интересно е дека стапката на кардиоваскуларни болести кај испитаниците кои спиеле помалку од шест часа ноќе изнесувала 9,4 на 1000. Се претпоставува дека за зголемениот ризик од кардиоваскуларни болести и смрт кај луѓето кои спијат повеќе од препорачаните часови би можел да биде одговорен постоечкиот здравствен проблем кој е резултат на подолгото спиење.
