Се проценува дека дури 40 проценти од светската популација е нетолерантна на глутен. Во прашање е протеин кој се наоѓа во пченицата, ‘ржта и јачменот.
Се поголем е бројот на луѓе кои се алергични на глутен, а не се ни свесни за тоа. Многумина од нив, исто така, страдаат од целијакија, генетско автоимуно заболување кое се јавува при внес на храна која содржи глутен. Иако глутенската сензитивност донекаде се смета и за помодарски тренд, некои луѓе навистина страдаат од овој синдром, а лекарите објаснуваат кои се основните симптоми. Покрај проблеми со варење на храната, постојат низа на атипични симптоми, кои доколку ги имате, треба да ги пријавите на својот доктор. Еве дел од нив:
-
Промени во расположението
Освен што влијае на варењето на храната, глутенот влијае и на психата. Се поврзува со промени во расположението, анксиозност, депресија и хиперактивност, а експертите велат дека овие симптоми може да се ублажат само доколку се исфрли храната со глутен.
-
Постојан замор
Како последица на глутенска нетолеранција, се јавува хроничен замор, па и пад на енергијата, особено по јадењето.
- Главоболки
Можни се и мигрени, што докажуваат и снимките на мозoкот на заболените од целијакија. На нив се гледа воспаление во нервниот систем, кое, веројатно, предизвикува неподносливи главоболки. Ова воспаление предизвикува вртоглавица, вкочанетост и трнење во телото.
- Хормонални промени
Воспаленијата кои ги предизвикува нетолеранцијата на глутен ги оптеретува надбубрежните жлезди и ја нарушува работата на ендокриниот систем. Токму ова го менува нивото на хормони во телото кое може да предизвика неплодност и неправилен менструален циклус.
- Чешање и осип
Кога телото се бори со глутен што не може да го свари, тоа може да предизвика појава на осип и чешање по целото тело, а најчесто на грбот и горниот дел на рацете. Промените на кожата може да потсетуваат на псоријаза.
- Ништо на своја рака
Луѓето со целијакија мора во целост да го исклучат глутенот од исхраната, но безглутенската диета не им користи на здрави луѓе, па докторите предупредуваат дека пред да преминат на неа задолжитено треба да направат тестирање за да се потврди дијагнозата.
Житарки кои не содржат глутен:
- Пченка
- Хељда
- Просо
- Интегрален ориз
- Амарант
- Киноа
