Хиперестрогенизам претставува превисоко ниво на женскиот полов хормон – естроген во организмот. Зголеменото ниво може да се јави кај двата пола, но е многу почест кај жените. Доколку прекумерното ниво на естроген се појави кај репродуктивно способни жени, често таа состојба се нарекува синдром на естрогена доминација.
Тој може да се јави кај пациентки со полицистични јајчници, прекумерна телесна тежина, фиброцистична болест на дојките, држење строги диети со низок внес на влакна во исхраната… Кај овој синдром постои паралелно ниско ниво на прогестерон со покаченo ниво на естроген.
Естрогенот го контролира растот на градите, менструалниот циклус, го регулира нивото на холестерол, ги штити коските и делува на мозокот. Естрогенот на жените им е неопходен за нормално функционирање на организмот и подготовка на телото за овулација.
Преголема количина естроген е многу честа кај жените.
Меѓутоа, некои групи естроген се одговорни за зголемување на ризикот од рак, како што е рак на дојка.
Симптомите на зголемено ниво на естроген честопати се заменуваат со симптомите на предменструалниот циклус. Неконтролираното ниво на овој хормон може да доведе до неплодност, миом на матката, абортус и рак.
СИМПТОМИ
- паѓање на коса;
- дисфункција на штитната жлезда;
- успорен метаболизам;
- потешкотии со спиењето;
- замор;
- главоболки;
- намалена сексуална желба;
- студени стапала и дланки;
- подуеност;
- нередовен менструален циклус.
