Кога станува збор за женското репродуктивно здравје се случува цистата да се појави на еден или дури и на двата јајника што го прави менструалниот циклус потежок.
Цистите на јајниците се како акни на репродуктивниот систем, а проблемот е зачестен и може да прездивика бројни непријатности. Повеќето цисти се од бенигна природа. Фоликуларните цисти се појавуваат пред почетокот на секој циклус и најчесто не постои потреба од одење на лекар. Но речиси 20 отсто од жените имаат цисти кои не поминуваат и кои не ретко треба да се оперираат заради тоа што може да се променат или да доведат до компликации.
Тешко е да се препознаат симптомите на полицистични јајници затоа што се слични на менструалните тегоби, па повеќето жени не ни обрнуваат внимание на тоа. Ако ги имате следните симптоми, појдете на лекар:
Болка во долниот дел од стомакот
Ова е најчест симптом за цисти на јајникот и болката се јавува точно на местото каде што се наоѓа јајникот. Ако не престанува ни после циклус, тоа е знак дека во вашиот организам се јавува патолошки процес.
Дување на стомакот
Еден од понејасните и недоволно истражените симптоми, а може да биде поврзан со цистите на јајникот во зависност од нивната големина. Многу жени мислат дека е резултат на зголемувањето на телесната тежина, но во комбинација со болката може да биде резултат на цисти.
Тежина во абдоменот
Како и кај фиброидите на матката, цистите на јајникот може да предизвикаат чувство на тежина во стомакот. Цистата е израсток, а тоа по автоматизам е окупиран простор од вашиот орган кој може да ви создаде чувство на притисок. Прво се јавува чувство слично на констипација, но доколку немате цисти на двата јајника, тоа чувство се јавува само од едната страна на карлицата.
Нагон за мокрење
Жените кои патат од цисти на јајниците често им се жалат на лекарите дека имаат неконтролирана потреба за мокрење. Ако цистата е со поголем обем, таа ќе ја притиска бешиката и ќе создава нагон за мокрење.
Болка за време на секс
Ако имате сексуален однос и почувствувате болка само од едната страна во долниот дел од стомакот, постои шанса таа состојба да е поврзана со циста на јајникот. Ендометриоми, цисти на јаниците врзани за ендометриозата, исто така, можат да предизвикаат болка за време на сексот затоа што се наоѓаат близу до ’вратата’ на матката.
Болка во грбот
Ако болката се прошири на целата карлица и ако таа состојба не ја третирате навремено, постои голема можност болката да се прошири и на вашиот грб, па дури и на нозете.
