Повеќето луѓе се среќни кога резулатите од разни болести им се негативни. Меѓутоа, постојат барем 5% од популацијата која не чувствува такво олеснување. За луѓето со здравствена анксиозност, односно хипохондрија, нема тест кој би можел да ги увери во тоа дека со нив е се во ред.
Иако главната причина е психата, луѓето кои страдаат од здравствена анксиозност имаат 73% поголеми шанси да заболат од срцеви болести, отколку луѓето кои не се анксиозни, велат најновите истражувања.
Хипохондрите научиле да ги следат промените на своето тело и во организмот до таа мера што секоја нивна промена е негативна. Секоја промена се толкува како симптом и се бара објаснување или медицински совет. Лицата кои имаат здравствена анксиозност повеќе од се сакаат по секоја цена да се ослободат од симптомите кои најчесто не се никакви симптоми, отколку што сакаат да се погрижат за анксиозноста.
Докажано е дека анксиозноста и стресот се поврзани со здравјето на крвните садови и дека многу лесно може да бидат една од причините за срцев удар.
Докторите на лицата кои се сомневаат дека имаат здравствена анксиозност, заради некои симптоми, односно промените кои ги забележале, им поставиле три прашања:
- Дали премногу сте се грижеле за тој проблем?
- Дали сте склони општо да се грижите за вашето здравје?
- Дали некогаш сте помислиле дека проблемот е сериозен пред тоа да ви го каже докторот?
Ако одговорите се позитивни, секако се советува понатамошна помош бидејќи обичното разуверување кај хипохондриците нема да помогне. Бихевиорална терапија е потребна за на лицата да им се помогне да ги реинтерпретираат нивните опсесивни мисли во врска со здравствената состојба.
