Метхемоглобинемија е состојба кога хемоглобинот е во оксидиран облик и не може да се врзува со кислород заради што е намалена способноста на крвта да пренесува кислород во телото, односно до органите.
Не е познато со сигурност што ја предизвикува оваа појава, но се верува дека може да биде наследна. Сепак, она што треба да се има предвид е дека се јавува после изложеност на некои лекови, меѓу кои се оние кои содржат бензокаин, кој делува како локален анестетик.
Реакција е можна и кај некои видови антибиотик, како и кај консумација на зголемено количество нитрити, кои се користат во месната индустрија за подобрување на квалитетот на месото.
