Парацетамолот и ибупрофенот се најчестите лекови за сузбивање на болки. Парацетамолот функционира така што ги регулира сигналите за болка кои доаѓаат до мозокот. Често се користи за ублажување на болка од различен вид, како и за регулирање на тегоби на грип и за намалување на температура. Земањето повеќе парацетамол од дозволената доза може да го загрози организмот, а особено е опасен по здравјето на црниот дроб.
Дозволена дневна доза на парацетамол од 500 mg за возрасни е 1 до 2 таблети, 3 до 4 пати на ден, при што не смеете да ја надминете максималната доза од 4 грама (8 таблети) во рок од 24 часа.
Интервалот помеѓу земањето на таблетите треба да биде најмалку 4 часа
Парацетамолот не треба да го земате на своја рака без консултација со доктор. Пред давање на парацетамол на деца под 12 години проверете ја дозата со доктор. Лекот не се препорачува за деца под шест години, нив треба да им се дава сируп. Никако не комбинирајте парацетамол со други лекови без консултација со вашиот доктор.
