Додека повеќето луѓе бараат брзо и лесно решение за избелување на забите, стоматолозите секогаш не потсетуваат дека е клучно одвреме-навреме да го отстрануваме забниот камен. И додека тој е најдобро да се отстранува стручно, кај стоматолог, страницата „Style Craze“ тврди дека постои и природен третман кој ќе ги исчисти и избели вашите заби.
Потребни состојки:
- 1 лажица сода бикарбона
- Прстофат сол
Начин на приготвување: Измешајте ги сода бикарбоната и солта, па состојките нанесете ги на мокра четкичка за заби и со неа нежно истријте ги забите. Потоа исплакнете ја устата.
Како се користи?
За најдобри резултати оваа паста треба да се користи преку еден ден. Кога ќе забележите дека плакот исчезнал, продолжете да ја користите смесата уште 7 до 10 дена. Сода бикарбоната ги смирува непцата и забите и има антибактериско дејство, а воедно и ги избелува забите. Со оглед на тоа дека сода бикарбоната делува како антацид, таа ја регулира Пх вредноста во устата, додека солта има антимикробни дејства.
