Иако за многумина кафето е омилен утрински пијалак, добар дел од луѓето го започнуваат денот со шолја топол чај.
Познато е дека кафето со тек на време може да остави дамки на забите, но експертите сега предупредуваат дека чајот е уште полош за нашите заби.
Стоматологот Јордан Кирк тврди дека сите видови на чаеви можат да ги обојат забите, а не само оние темните. „Забната глеѓ е екстремно порозна и може да го апсорбира танинот од чајот, па вашите заби на подолг рок да станат потемни и за неколку нијанси“, вели Кирк.
Колку подолго го вриете чајот, толку е поголема концентрацијата на танинот во него
Виктор Преде, автор на книгата „Tea in Health and Disease Prevention“, вели дека зелениот чај содржи најмногу танин. Колку и да не плаши помислата на потемнети заби, танините, сепак, имаат и позитивна карактеристика – полни се со антиоксиданти кои играат важна улога во намалувањето на ризикот од кардиоваскуларни болести и рак.
- За да ги спречите дамките, стоматолозите препорачуваат четкање на забите најмалку два пати дневно по две минути.
