Какао
Какаото е богато со флавоноиди и други противвоспалителни нутриенти, па е погоден продукт за борба против хипертензија или зголемениот крвен притисок. Флавоноидите во какаото му помагаат на телото подобро да се справува со стресот што е честа причина за хипертензија, а помага и во регулирањето на крвниот притисок. Со истражувања се открило дека флавоноидите во какаото го намалуваат крвниот притисок, а штитат и од срцеви заболувања.
Куркума
Куркумата е се попопуларен зачин. Познат е по своите антивоспалителни дејства, како и подобрување на кардиоваскуларните функции и одржување на протокот на крвта. Кога се консумира со црн бибер, помага во опуштање и во прочистување на крвните садови, а може да се користи и како зачин во јадења, но не повеќе од една лажиче.
Чили
Лутата пиперка или чилито е позната по брзото стабилизирање на крвниот притисок. Ги шири крвните садови и помага при протокот на крвта, со што доаѓа до намалување на крвниот притисок. Во топла вода промешајте една до две лажички лута пиперка и мед и ќе добиете моќен домашен лек против хипертензија.
Суров бадем
Бадемите се богати со незаштитени масти кои влијаат на намалувањето на холестеролот во крвта, го ублажуваат воспалението на артериите и го намалуваат крвниот притисок. Иако имаат висок процент на масти и на калории, помагаат при губење на вишокот килограми и зајакнување на мускулната маса. Со секојдневно консумирање, но не повеќе од десетина на ден, можете да го одржувате во нормала крвниот притисок. Може да се јадат во комбинација со други јаткасти плодови, кои го намалуваат крвниот притисок, како на пример оревите.
Јаболков оцет
Јаболковиот оцет содржи пектини, кои го намалуваат холестеролот во крвта, па е одличен во превенцијата против хипертензија. На лицата кои патат од оваа болест им се препорачува лажица оцет растворена во половина чаша вода дневно, а може да се додаде и малку мед.
Ѓумбир
Ѓумбирот е почитувана состојка, не само заради единствениот вкус, туку и поради благотворното влијание на здравјето. Може се користи на повеќе начини, свеж, закиселен, варен, а за оваа цел најдобро е да се користи свеж изрендан и помешан со мед. Ја намалува тензијата на крвните садови, го намалува притисокот и штити од кардиоваскуларни болести.
