Сезоната на респираторни заболувања полека стигнува. Ако сакаме да избегнеме антибиотици и други слични препарати, време е да се снабдиме со природни лекови кои не само што можат да ги олеснат настинката и грипот, туку може и да помогнат да не заболиме од нив.
МАСЛО ОД ОРИГАНО. Бројни истражувања покажале дека ова есенцијално масло ги уништува микроорганизмите вклучувајќи и Staphylococcus aureus и коронавирус кои се меѓу најчестите причинители за појава на воспаление на грлото и дишните патишта. Исто така, докажано е дека ова масло го уништува и норовирусот кој е причина за појава на многу непријатен стомачен грип. Оригано маслото е ефикасно и против хеликобактер и кандида.
ВИТАМИН Ц. Овој витамин е важен за правилно функционирање на имуниот систем. Најбогат природен извор на витаминот Ц е овошјето каму каму, кое кај нас може да се најде во прав. Одличен извор на витамин Ц се и пиперката и ренот, кои содржат повеќе од него во споредба со портокалот и лимонот.
ХИМАЛАЈСКА СОЛ. Ова е природна сол која содржи над 80 минерали. Испирањето на грлото и на носот со хималајска сол помага да се отстрани слузта, да се намали отокот и да се отворат дишните патишта. Купка во вода во која е растворена хималајска сол помага и за детоксикација.
КУРКУМА. Консумирањето на овој здрав зачин помага при варењето на храната, работата на црниот дроб и имуниот систем. Исклучително е богата со антиоксиданти.
МАСЛО ОД ЕУКАЛИПТУС. Одлично е за отворање на затнатиот нос и за олеснување на протокот на воздух низ бронхиите и белите дробови, што е многу важно при настинка.
