Смртоносниот пандемиски грип може да го зафати светот и да убие 33 милиони луѓе во првите 200 дена. Условите за тоа се поволни и светот може да доживее катастрофална мутација на вирусот на грип кој би можел да уништи 300 милиони луѓе, предупредува д-р Џонатан Квик, еден од водечките експерти за грип во светот и претседател на организацијата „Global Health Council“.
Вели дека вирусот на грип е дијаболичен, тежок за контрола и брзо се шири.
Уште еден експерт за вирусот на грип, професорот Роберт Дингвол, вели дека може да дојде до пандемија доколку се појават драматични промени во вирусот на грип, нешто што може да се очекува на секои 20 до 40 години.
Последната пандемија се случи во 2009/2010 година, кога се појави свинскиот грип во Мексико. Тој, исто така, се потсетува и на смртоносната пандемија на шпански грип од 1918 година, која однесе околу 100 милиони животи, заразувајќи една третина од светското население. Исто така, го споменува и азискиот грип од 1956 година, пренесува „The Sun“.
Последната пандемија се случи во 2009/2010 година, кога се појави свинскиот грип во Мексико
Д-р Квик предупредува дека најопасниот вид на грип е – птичјиот грип. Вели дека неговите три типа предизвикуваат загриженост во текот на последните неколку години, а тоа се H5N1, H7N9 и H5N6. Најголема закана за мутација и следна смртоносна пандемија, според д-р Квик, е типот H5N1.
„Ако се развие нов високо заразен вирус на H5N1 и да се прошири преку несовесен патник во авион, може да дојде до случај на пандемија, која може брзо да заземе размери како во филмовите со катастрофи“, предвидува д-р Квик.
Вели дека најважната работа која треба да ја направиме е – да се развие универзална вакцина против грип.
Нова вакцина е развиена од страна на научниците од Универзитетот во Калифорнија во Лос Анџелес и тоа е надеж дека сме чекор поблиску до остварување на целта. Експерименталниот лек бил тестиран на глувци.
Професорот Дингвол напоменува дека грипот е многу заразен и не може да се направи многу за да се спречи неговото ширење низ целиот свет, па развојот на универзална вакцина би можело да биде многу тешка задача. Проблемот е и во тоа што симптомите на грипот се појавуваат околу четири дена по инфекцијата, па оној кој е заразен тоа не мора да го знае и може несвесно да го шири вирусот на луѓето околу себе.
