Стресот е секојдневна појава која секој човек ја преживува. Освен нервозата, стресот има и бројни физички симптоми, како што се главоболка, недостаток на енергија, пад на имунитетот, па дури и пречки во варењето на храната.
Кинескиот метод на лекување познат како акупресура објаснува како на човековото тело постојат одредени антистрес точки со чија стимулација, телото постепено се ослободува од стресот.
Една таква точка се нарекува Шен Мен. Шен Мен во слободен превод значи врата на рајот, а со притискање на таа антистрес точка се намалува стресот, се зголемува енергијата и го јакне имунитетот, а, исто така, ги ублажува и болките. Точката се наоѓа на внатрешниот горен дел од ушната школка, а со лесно притискање станува активна.
Упатство за масажа на точката Шен Мен, со која ќе се опушти целото тело:
- Со стапче за уши притиснете ја точката и нежно масирајте.
- Дишете полека и длабоко, и слушајте ги вдишувањата и издишувањата.
- Додека вдишувате гледајте на левата, а кога издишувате на десната страна, но без да ја вртите главата.
- Постепено ќе почувствувате како вашето тело се опушта, а симптомите на стрес се намалуваат.
Совети
- Точката на ушната школка масирајте ја и со врвовите од прстите;
- Масирајте ја точката секој пат кога ќе почувствувате дека сте под голем стрес;
- Оваа постапка можете да ја повторувате секој ден пред спиење.
