Неодамна група стручњаци излезе со податок дека дури и дувањето во сопствениот палец може да биде исклучително корисно, особено кога не можете да го контролирате забрзаното дишење.
Имено, оваа техника ја стимулира работата на вагусот или нервот луталник, кој се протега по еден на двете страни на телото, почнувајќи од мозочното ткиво кон вратот, па продолжува во градите и абдоменот. Стимулирањето на нервот вагус ја успорува работата на срцето, што, пак, го намалува чувството на стрес и смирува. Оваа техника на дување палец создава засилен притисок во внатрешноста на абдоменот и градниот кош, со што го стимулира нервот вагус и на тој начин ги успорува отчукувањата на срцето, а тоа се случува бидејќи се обидувате да издувате низ блокиран дишен пат.
Иако палците не се во близина на вагусот, со правилна техника може да се помогне за нивна стимулација. Се што треба да направите е да го ставите палецот во уста (како бебе кога цица палец), што посилно да го стиснете за да се создаде вакум и силно да дувате обидувајќи се ни малку воздух да помине надвор.
