Контрацептивната спирала овозможува овулација и рамнотежа на природните хормони и не предизвикува губење на косата, депресија и зголемување на телесната тежина, кои се поврзуваат со други хормонски лекови за контрацепција. Таа е една од петте алтернативни методи на контрацепција препорачани од многу лекари токму поради тоа што нема влијание врз хормоните.
Исто како и цревата, и вагината е полна со добри бактерии. Тоа се нарекува вагинална микрофлора и таа заштитува од инфекции, намалувајќи го порастот на лошите бактерии и вируси. Покрај тоа, вагиналната микрофлора ја задржува природната киселина на вагината и го стимулира производството на слуз.
Сепак, не е многу природно да се ставаат бакарни и пластични средства во матката, бидејќи може да предизвика болка и помалку познат придружен ефект – менување на вагиналната микрофлора
Од друга страна, нездравата вагинална микрофлора може да доведе до инфекции или состојба наречена бактериска вагиноза. Бактериската вагиноза е зголемување на нормалните вагинални бактерии што предизвикува воденкаст исцедок со непријатен мирис. Ова погодува речиси една третина од жените и обично се лекува со антибиотици.
Врската помеѓу контрацептивна спирала и бактериската вагиноза не е новина. Жените го искусиле овој проблем уште пред 50 години, кога за првпат се појавила контрацептивната спирала, а научниците минатата година откриле дека двојно го зголемува ризикот од бактериска вагиноза.
Ако користите спирала и не ги чувствувате последиците од бактериска вагиноза, тоа е навистина добра вест, но ако страдате од бактериска вагиноза, треба да размислите за промена на контрацепцијата за да избегнете дополнително нарушување на здравјето.
Размислете за земање пробиотици, кои клинички докажано ја подобруваат микрофлората. Дополнителен совет е да се избегнат сите работи што ја оштетуваат вагиналната микрофлора, а тоа се антибиотици, спермициди и гелови за интимна нега. Вашата вагина има ефикасен систем за самочистење и нема причина да користите дополнителни производи за нега, пишува „www.mindbodygreen.com“.
