Д-р сци. Сајковски: Децата родени со царски рез остануваат без добрите лактобацили

Бебиња родени природно (вагинално) на самото породување ја добиваат својата прва голема доза на позитивни микроорганизми од својата мајка како што поминуваат низ родилниот канал

ДЕЦАТА РОДЕНИ СО ЦАРСКИ РЕЗ ОСТАНУВААТ БЕЗ ДОБРИТЕ ЛАКТОБАЦИЛИ – токму ова го отвора прашањето – Кој е најдобриот начин на породување?

Пишува: Д-р сци. Александар Сајковски

Најважната работа што се случува со микробиомот на еден човек е она што се случува во моментот на неговото раѓање. Бебиња родени природно (вагинално) на самото породување ја добиваат својата прва голема доза на позитивни микроорганизми од својата мајка како што поминуваат низ родилниот канал. Овие позитивни бактерии ja вклучуваат групата на лактобацилуси, кои помагаат во разградувањето на лактозата во мајчиното млеко за прозводство на енергија. Како одминува бременоста се поголем број на лактобацилуси ја колонизираат вагината кај мајката, со оглед на фактот дека се приближува датумот на доспевањето на свет, а тие се спремаат да скокнат на новиот брод, односно кај бебето за да му помогнат да се дигерира мајчиното млеко.

Бебиња родени со хирушки царски рез ја добиваат својата прва доза на бактерии од кожата на нивните мајки, кожата на докторите и сестрите во родилната сала. Тоа нас како педијатри не загрижува, бидејќи децата родени со хирушки царски рез не ги добиваат бактериите кои нивните мајки ги развиле за нив за да им ги предадат, а тоа може да биде фактор кој може да ги постави овие деца на шини на возот наречен лош развој.

Медицинските студии покажуваа дека нашите природни микроорганизми ни помагаат да го истренираме нашиот имунолошки систем да ги препознае пријателите од непријателите. А, без соодветна обука, теоријата продолжува, имунолошкиот систем е слаб и телото може да направи прекумерна реакција на кој било надворешен агенс. Не заборавете дека кај секој од нас 1-2 килограми од телесната тежина отпаѓа на нашите природни микроорганизми со кои перманентно живееме во симбиоза. Притоа микробната колонизација на гастроинтестиналниот и респираторниот систем во периодот околу раѓањето игра важна улога во намалувањето на предиспозицијата кон појава на хронична инфламација, автоимуни, алергиски и хронични болести.

Во целиот свет хирушкиот царски рез е се позастапен и пораснат е, на пример, во САД, но и во Македонија на ниво од 36 %, иако според препораките на Светската здравствена организација (WHO) не треба да надмине 10-15 %.

Затоа сакам да заклучам – секое дете родено со царски рез останува без своите лактобацили, а најважен од нив е Lactobacillus reuteri protectis, и неопходна е негова супституција по раѓањето.