Покрај примарните иританси (алергени и инфекции), и други фактори може да го комплицираат текот на атопискиот дерматитис.
Видот на такенината може да влијае на степенот на удобност и на интензитетот на чешање кај пациентите со атописки дерматитис (АД).
Јасно е дека волнените такенини предизвикуваат најмногу иритации и пациентите со АД треба да ги избегнуваат. Синтетичките такенини како што се: најлонот и полиестерот некои пациенти не можат, исто така, да ги поднесат. Генерално, памукот е ткаенина која што овозможува најмногу комфор и предизвикува најмалку иритација на кожата, па неговата употреба кај пациентите со АД е препорачлива.
Одредени хемикалии коишто се употребуваат во домаќинството, детергенти за перење, средства за белење, сапуни и средства за чистење, дејствуваат како иританси кај некои пациенти со атописки дерматитис. Слабите детрегенти без избелувачи главно подобро се иритирани од страна на пациентите со атописки дерматитис. Двократното плакнење на алиштата е доволно за целосно отстранување на детергентот и е од голема помош кај одреден број пречувствителни пациенти со атописки дерматитис.
Исто така, благи сапуни со pH=7 се корисни при одржувањето на хигиената на кожата кај пациентите со АД. Обично тие помалку ја сушат и ја иритираат кожата и го намалуваат пруритусот. Кожата треба да се заштити од средства за чистење во домаќинството со носење ракавици или некоја заштитна крпа.
Бариерната функција на кожата кај пациентите со атописки дерматитис е нарушена и не може да се справи со разните супстанции со коишто нормалната кожа без проблеми „излегува на крај“.
Некои видови храна, исто така, може да предизвикаат иритации и јадеж кај пациентите со атописки дерматитис. Одредени овошја и зеленчуци, особено доматите и цитрусите, може да предизвикаат иритација кај некои пациенти со АД. Овие видови храна не се примарни алергени, туку дејствуваат иритативно предизвикувајќи пруритус поради нивниот ацидитет.
(Продолжува)
