Научниците развиле лек кој може да го запре пропаѓањето на мозочните клетки, што значи дека заболените од Алцхајмерова болест имаат шанса да водат нормален живот. Новиот лек е на база на прокељ и овој исчекор во медицината се смета за револуционирен. Лекот се уште се тестира, а се верува дека може да ја лекува Алцхајмеровата болест затоа што е преполн со витамин А, кој во најголеми количества го има во мокроковот и прокељот. Имено, кога ќе се разгради во организмот, витаминот А се претвора во ретиноинска киселина, која е круцијална за развој на нервниот систем.
После двегодишни истражувања се дошло до медикамент кој е полн со доволно количество витамин А, што може да регенерира дури и одделни клетки сива маса. Ова е револуционерно медицинско откритие затоа што луѓето кои патат од Алцхајмерова и Паркинсонова болест, како и деменција, ќе можат да водат нормален живот. Доколку болеста се открие во рана фаза, тоа би значело дека со овој лек би можело да се дојде до потполно опоравување.
Истражувачите од Дурам универзитетот велат дека нивното истражување се уште е во рана фаза, но дека е исчекор во секој случај, и тоа многу поголем од што се надевале. Новиот лек е добар и за тестирање на болестите на белите дробови, како и мускулните болести воопшто.
„Ретиноинската киселина е важна во развојот на мозокот и очите кај човекот, и тоа уште додека е плод во утробата на мајката. Ова е мошне важно откритие затоа што доколку мајката зема доволно витамин А, тогаш нервниот систем правилно ќе се развие и подоцна во животот ќе биде олеснето лекувањето на ова поле“, вели професорот Питер Мекафери.
За Алцхајмеровата и Паркинсоновата болест типично е изумирањето на нервните клетки во мозокот заради кои телото останва без виталните функции, што е поразувачко. Кога ќе се внесе „супер количество“ на витамин А, тогаш е овозможено ретиноинската киселина да ја поправи штетата.
Но важна е и превенцијата. Иако немате проблем со циркулацијата на крвта или памтењето, важно е да ја внесувате оваа киселина во облик на витамин А за да обезбедите „храна“ за мозокот. Најдобро би било да го зголемите внесот на прокељ и морков и овие намирници да ги ставите на секојдневното мени, па не би требало да имате проблем.
