Малиот зелен лиснат зеленчук – прокељ изобилува со диетални влакна, минерали, протеини, витамини и антиоксиданти, а му припаѓа на семејството зелки. Прокељот има низок гликемиски индекс и затоа треба да биде дел од секојдневната исхрана.
Прокељот е одличен извор на флавоноиди, како што лутеин, сулфорафан, тиоцијанат, зеаксантин и изотиоцијанат. Сите овие соединенија помагаат во превенција на рак на дебелото црево и ендометриоза.
Извор е на витамин Ц и витамини А и Е, поради што е одличен за заштита на телото од штетното дејство на слободните радикали. Витаминот А, од друга страна, е неопходен за одржување на здравјето на очите и кожата.
Прокељот спаѓа во еден од најдобрите извори на витамин К. Има добра хранлива вредност и обезбедува заштита од губење на коскеното ткиво, болести на срцето, анемија и рак на простата
Зеаксантинот е еден вид на каротеноид, кој се апсорбира во мрежницата на окото, а истражувањата покажуваат дека може да помогне во заштита на мрежницата на окото од оштетување и да спречи низа на болести на очите.
Прокељот содржи Б комплекс витамини, како што се пантотенска киселина, нијацин и тијамин, кои се неопходни за одржување на работата на метаболизмот. Тој е одличен извор на минерали како: калиум (помага во контрола на крвниот притисок и срцевиот ритам), манган, бакар, фосфор и железо.
Кај прокељот треба да се биде внимателен, бидејќи може да содржи високо ниво на гоитрогени, кои поттикнуваат отекување на тироидната жлезда. Луѓето кои имаат проблеми со работата на тироидната жлезда треба да го избегнуваат прокељот и да го консумираат откако ќе се консултираат со лекар.
