Опра Винфри никогаш не ја криела својата борба против вишокот килограми. Славната водителка ги има испробано сите можни диети, но изгубените килограми секогаш и се враќале.
На крајот, таа призна дека се обидувала да ослабе од погрешни причини и тоа долгорочно никогаш не наидувала на успех. Таа променила само една работа и тоа во главата, а не во дневното мени.
“Кога килограмите ќе почнеа да се топат, морав да ја освестам својата намера. Можев да ја намалам телесната тежина за да влезам во одреден конфекциски број за да присуствувам на некое случување или за да им се допаднам на другите. Но, не можев да ја одржувам тежината од истите причини. Килограмите секогаш се враќаа. Овој пат ја променив само својата намера. Само сакав да бидам здрава. Физички, емотивно и духовно. Тогаш се промени процесот и целта на моето слабеење. Ми беше полесно бидејќи имав појасна намера„, призна Опра која вели дека сега од ништо не се откажува кога е храната во прашање, не се грижи за бројките на вагата и само води сметка за порциите.
Благодарение на својот пристап кон слабеењето, таа за неполни три години изгубила 20 килограми, но овој пат не доживеала јо-јо ефекти и ја одржува телесната тежина со која е задоволна. Најголема улога во успешната борба со килограмите има нејзиното разновидно дневно мени.
Ова е нејзиното дневно мени на оброци:
Појадок: Сендвич со јајце, авокадо, шунка и домат на парче леб од полнозрнести житарки, чај.
Овој појадок речиси секој ден е на чинијата на позната водителка. Наместо кафе, Опра наутро посегнува за чај. Најчесто пие индиски збогатен со цимет, ѓумбир и каранфилче и малку млеко.
Ручек: Супа од домати и салата од кељ или тестенини со шкампи или други морски плодови.
Ваквиот тип на салата не заситува многу, па таа во неа додава јаболка, сушени плодови, бадеми, семки од сончоглед, сирење и прелив на база на сенф.
Вечера: Филе од бакалар со мешунки
Оваа вкусна вечера навистина е лесна да се направи. Ако не сте љубител на бакалар, заменете ја со друга риба, а во изобилието на мешункасти растенија сигурно ќе најдете нешто за себе.
Ужина: Пуканки, чипс од компир, чипс од кељ, сорбе од бобинки.
Кога ќе почувствува налет на глад пред поголем оброк, го смирува со мали залчиња. Признава дека нема да изеде големина количина на чипс од компир, едвај 10 парчиња, но дека тоа и сосема доволно да ја надмине желбата.
