Проширените капилари се проблем, кој многумина го сметаат за естетски, се додека не почне да предизвикува поголеми тегоби. За жал, многу луѓе се соочуваат со проширени капилари, па затоа е добро да се знае како да се ублажат овие тегоби.
Се додека проширените капилари не му пречат на вашиот секојдневен живот не мора да размислувате за каква било интервенција, но ако проблемите се претворат во сериозна ситуација, тогаш е потребно што е можно поскоро да се консултирате со лекар, кој ќе ве упати на специјалист.
За сите останати, капиларите на кожата може да пречат само затоа што не изгледаат убаво, па поради тоа одреден дел од луѓето се одлучуваат на помали зафати со кои би го решиле овој проблем.
Зошто доаѓа до проширени капилари? Капиларите се јавуваат кога кожата премногу ќе се загрее. Тогаш доаѓа до зголемување на крвниот притисок, по што ѕидовите на крвните садови се шират и повеќе не може да се вратат во почетната состојба, дури и кога кожата ќе се олади. На крајот, доаѓа до појава на мрежа на капилари на место каде кожата е најосетлива.
Оваа мрежа на капилари најчесто се јавува на возраст помеѓу 35 и 40 години. Првите симптоми почнуваат да се јавуваат на нозете, а кога ќе ги забележите треба да се консултирате со дерматолог. Важно е да реагирате на време
Тоа е време кога се уште можете да направите нешто, а најдобро е да ги избегнувате местата на кои е премногу топло, како и нагли промени на температурата.
Обратете внимание додека сте во сауна каде што кожата може да биде особено чувствителна, бидејќи одеднаш се движите од соба со висока температура во просторија каде што температурата е нормална.
Ако забележите проширени капилари обидете се да одбегнувате алкохол и јадења кои се премногу зачинети. Свртете се кон намирници кои ќе ви помогнат во зајакнување на ѕидовите на крвните садови, како што се јагодите и боровинките. Променете го своите животни навики и започнете на време со позитивните промени.
