Маслото од лути пиперки делува надразнувачки: ги шири капиларите, ја зајакнува циркулацијата на крв во горните делови на кожата, го зајакнува витаминскиот метаболизам и делува на активирање на регенеративните процеси на епидермисот на кожата.
За подготовка на маслото од лути пиперки е потребно:
- 10 свежи црвени лути пиперчиња
- Две чаши ладноцедено маслиново масло
- Стаклена тегла од еден литар
Постапка: Пиперчињата се мијат, се сече горниот дел и се мелат во машина за мелење месо. Од оваа количина се добива околу една чаша иситнета смеса. Се става во стаклената тегла и се прелева со маслото. Се остава да стои на темно место седум ден. Потоа содржината се процедува низ газа или пластична цедалка.
На почетокот од третманот, маслото се втријува неколку пати во текот на денот, кога ќе се појават болки во зглобовите или во други делови на телото. По втривањето, се облекуваат топли чорапи или хулахопки, ако станува збор за нозете. Се затоплуваат и остантите делови од телото, во зависност пд локацијата на болката – раце, врат, грб. По нанесување на маслото, се чувствува печење на кожата, но е подносливо, па дури и пријатно бидејќи маслото длабоко ќе ја загрее кожата, но без да се создадат изгореници.
Со тек на времето, може да се намали интензитетот на нанесувања на маслото. По еден или два месеци, процедурата може да се прави еднаш неделно, ако се јават болки во зглобовите поради промена на времето. Маслото постојано се чува на темно место.
