Рицинусовото масло се добива од билката рицинус (ricinus communis) и е едно од најлековитите средства за повеќе заболувања.
Неговото лековито дејство е познато од антички времиња. Уште старите Грци го користеле за поубава кожа и за раст на косата, а во древните египетски записи било пронајдено дека се препорачува и како ефикасен лаксатив. Тоа, исто така, го носи и прекарот „Христова дланка“, што можеби најдобро ја опишува делотворноста на неговите состојки.
Со висока содржина на витамин Е, рицинусовото масло длабински ја негува кожата, косата, ноктите и делува антибактериски. Косата после неколку недели од користењето на рицинусово масло станува погуста, посјајна и побрзо расте, бидејќи маслото го стимулира растот на влакна.
Ако сакате поубави и погусти веѓи и трепки, исто така, можете да ги мачкате со рицинусово масло. Најлесен и најпрактичен начин е да го нанесете со претходно исчистена четка за маскара.
Освен употребата во козметички цели, маслото ја подобрува и циркулација, а помага и при проблеми со црниот дроб, артритис, ефикасно е и при обична настинка. Се употребува како топол облог натопен со масло. Одамна е познато и неговото антибактериско дејство против акните, габите, мувлата и разните паразити.
Рицинусовото масло го обожаваат и бремените жени, бидејќи со своите хидратантни својства делува ефикасно во борбата против стриите, може да се користи и за нега на испукани усни, како и за нега на оштетена кожа на петите, а идеално е и при борба со алергиите.
