Стапалата се одличен барометар за вашето здравје. Дамки на нозете или болка во петицата може да бидат симптоми на сериозни болести кои се манифестираат на стапалата многу порано пред да се појават на останатиот дел од телото.
Проверете дали имате некој од следните симптоми:
- Чешање
Иако чешањето најчесто се поврзува со атлетско стапало – габична инфекција која е резултат на целодневно носење на затворени обувки и зголемено потење, може да биде предизвикано и од алергиска реакција или псоријаза.
- Дамки на стапалата
Рејновиот синдром може да предизвика темни дамки на нозете. Оваа болест е поттикната од стрес и студ, а предизвикува грчеви, намален проток на крв и сина боја на кожата. Најчеста е кај помладите жени. Во ретки случаи, Рејновата болест може да биде ран знак на ревматоиден артритис или лупус.
- Жолти нокти
За чешањето не се виновни само габичните инфекции, тука е и жолтиот слој на ноктите и задебелените нокти. Дебели, жолти нокти, исто така, може да упатуваат и на некои други болести како што се проблеми со лимфниот систем или ревматоиден артритис.
- Болка во петиците
Кај дијабетичарите поради оштетени периферни нерви специфично е пецкањето во стапалата кое може да биде резултат на кардиоваскуларно нарушување. Чувството на „жарење“ во нозете, исто така, може да биде предизвикано од замор и атлетско стапало.
- Отечени стапала
После подолго одење, стоење или носење несоодветни чевли, се јавуваат отечени стапала. Ако нозете често отекуваат, тоа може да биде последица на неправилна работа на бубрезите или срцето, но и реакција на лекови за дијабетес и висок крвен притисок. Отечени нозе може да бидат предизвикани од остеопороза и ревматоиден артритис. Најдобро е да посетите доктор ако отокот не поминува.
- Промена на обликот на прстите
Најдобро е да го проверите здравјето на белите дробови и срцето ако вашите нокти се заоблат и прстите го променат обликот. Ненадејни промени, како што се наведените, укажуваат на намален доток на кислород во крвта, а освен на проблеми со дишните патишта и срцето, може да бидат и симптом на Кронова болест.
- Болка во палецот
Болката во ножниот палец може да биде симптом на гихт. Уште еден виновник кој предизвикува силна болка во палецот е и ревматоидниот артритис, па ако болката не престанува, се препорачува да се посети доктор.
- Студени нозе
Хронично студените нозе може да бидат последица на лоша циркулација, затоа што во екстремитетите не доаѓа доволно крв. Високиот крвен притисок, нарушената функција на тироидната жлезда, срцевите заболувања и пушењето кои ја намалуваат способноста на белите дробови да апсорбираат кислород создаваат дополнителни проблеми. Затоа, на оние кои имаат проблеми со студени нозе им се советува да посетат доктор за да исклучат можна болест.
