Постојат знаци кои можат да ви сигнализираат кои точно витамини му се потребни, а организмот на детето не ги добива во потребната количина.
Недостиг на витамин Д
Недостатокот на овој витамин кај децата е чест проблем и предизвикува нивен поспор развој. Некои од можните симптоми се доцна појава на први запчиња, како и чести грчеви во мускулите. Кај некои деца кои имаат недостиг на витамиин Д, може да дојде и до потешкотии во дишењето. Овој витамин може да се надомести со почесто изложување на здраво сонце, со засилена исхрана на млеко, сирење, јогурт или жолчка. Давањето на капки или капсули витамин Д е најбрзата варијанта на вашто дете да му ја обезбедите потребната дневна доза на овој важен витамин за неговиот развој.
Недостиг на витамин А
Замор, паѓање на коса, губење на тежина, суви очи, перутање на кожата и чести респираторни инфекции се некои од симптомите за недостаток на витамин А. Неговото недоволно ниво во организмот на детето може да доведе до сериозни проблеми и со видот. Погрижете се децата да јадат доволно жолто или портокалово овошје, како морок, тиква, портокал…
Недостиг на витамин Б12 и Б6
Можни знаци дека на вашето дете му недостига потребната количина на витаминот Б12 се болки во стомакот, чувство на слабост и несоница. Овој витамин е важен за развојот на нервниот систем и за функционирање на мозокот и срцето на детето. Лекарите тврдат дека недостатокот на внимание, импулсивност, хиперактивност, изливи на бес и други недолични однесувања кај детето може да бидат показател на недостиг на витамин Б6. Недоволната количина на овој витамин кај децата може да се манифестира и со чести проливи и анемија.
Недостиг на витамин Ц
Лесно појавување на модринки, проблеми со зглобовите, сува кожа и лош апетит се знаци дека на детето му недостига витамин Ц. Често крвавење од носот, инфекции и често разболување на детето исто така може да се поврзат со недоволна доза на овој витамин во организмот на детето. Многу е важно да се нагласи дека и вишокот на овој витамин може да биде штетен. Затоа, задолжително консултирајте се со педијатарот на вашето дете пред да воведе дополнителни дози на витамин Ц во дневното мени.
