За само една минута овој вид на личен систематски преглед ќе ви помогне навреме да препознаете одредени состојби на телото и да го слушнете организмот што има да ви порача кога е здравјето во прашање.
Погледнете ја урината
Нормалната урина треба да биде бистра, со светложолта боја. Но промените во урината можат да бидат предизвикани од разни фактори, од типот на храна, пијалаци и здравствени нарушувања. За промените во бојата и мирисот, задолжително посетете лекар.
Издувајте го носот
Нормалното дишење на нос ни укажува на фактот дека слузокожата е здрава. Но и најмала промена во организмот може да ја промени оваа состојба. Издувајте го носот во бело хартиено марамче. Доколку ништо не исфрлите, вашата слузокожа е здрава. Ако исфрлите проѕирна течност, најверојатно се работи за иритација, промена на температурата или алергија. Жолтата или зелената течност може да укажува на некаков вид воспаление кое би требало да се следи.
Нокти
Здравиот нокт треба да биде цврст и прозирен, а каква било промена на неговата површина може да укажува на здравствени проблеми. Секој нокт прегледајте го детално и обрнете внимание на евентуалните промени. Белите дамки укажуваат на недостиг на витамини и минерали во организмот, жолтата боја укажува на габични заболувања. Доколку забележите слична боја, бидете внимателни, а ако состојбата се влошува побарајте помош од доктор.
Погледнете ги очите
Белката во окото може да ви каже многу работи поврзани со вашето здравје. Таа мора да има бела боја, а црвенилото го предизвикуваат ситните капилари кои поради одредени причини се шират и стануваат видливи. Но белката може да стане жолтеникава. Потрудете се седум дена по ред да ја набљудувате белката на дневна светлина. Доколку бојата се менува, тогаш причината може да биде напор, алергија или различни иритации и тогаш е време да побарате помош од офталмолог.
Прегледајте ја кожата
Детално прегледајте ја кожата и тоа од лицето и вратот, па се до стапалата. Доколку забележите какви било необични промени или нови бенки, дамки или депигментација, побарајте совет од дерматолог.
Четка за коса
Губењето коса може да биде показател на широк спектар промени кои му се случуваат на организмот. Доколку на четката забележите повеќе влакна од вообичаено, детално исчистете ја и на наредното чешлање пребројте ги влакната. Доколку изгубите повеќе од 150-200 влакна или забележите перчиња на четката, веднаш посоветувајте се со лекар.
