Во вратот се наоѓаат скоро седум ‘рбетни пршлени окружени со ‘рбетен мозок. Артерии, кожа, лимфни јазли, жлезди, вени и тироидна жлезда – сите се составен дел од вратот и било која болест што ги напаѓа нив е причина за можна болка во вратот. Причини за болката може да бидат и повреди, неправилно држење, работа на компјутер…
Еве неколку решенија со кои ќе ги ублажите или отстраните болките во вратот.
Облоги
Топло-ладни облоги може да ја олеснат болката во вратот. Држете ладни облоги на болното место 15 минути, а потоа ставете топла облога и држете уште 15 минути. Неколку пати во текот на денот ставајте вакви облоги и ќе забележите разлика, бидејќи со нив се овозможува подобра циркулација на крвта.
Масажа
Масажата би требало да ги опушти мускулите и да ги разбие јазлите кои се создале. Практикувајте лесна масажа со кружни движења за да не ја влошите состојбата.
Масло од рузмарин
Маслото од рузмарин прави чуда кога е во прашање болниот врат. Втривањето на маслото на болното место ќе ги загрее мускулите на вратот и ќе го подобри протокот на крв. Помешајте неколку капки масло од рузмарин со масло од јојоба или авокадо и масирајте го вкочанетиот врат 10-15 минути во текот на денот. За да добиете подобри резултати, замотајте го вратот со шал и држете неколку часа.
Истегнување
Истегнувањето помага да се опуштат мускулите, особено ако работите на компјутер и вратот, поголемиот дел од времето ви е во неправилна положба. Едноставно, неколку пати, во текот на работата, направете вежби за истегање, така што ќе ја навалите главата на десната страна како да се обидувате да го допрете рамото и останете во таа положба неколку секунди. Потоа истото направете го и со левата страна. Нема да ви одземе многу време, а ќе ви помогне да се ослободите од напнатоста во вратот. Истегнувајте се полека за да не дојде до повреда.
Опуштање
Опуштањето може да помогне кога станува збор за болен врат, бидејќи причина за напнатоста во повеќето случаи е стресот. Правете вежби за дишење, медитирајте, практикувајте јога.
