Уште една студија покажала дека љубителите на пржената храна се изложени на поголем ризик од срцев и од мозочен удар. Имено, колку некој повеќе консумира пржена храна, толку неговиот ризик од срцев удар или од мозочен удар е поголем.
Лицата кои јадат пржена храна еднаш до три пати во неделата, имаат 7% поголем ризик од срцев и мозочен удар во споредба со оние кои пржена храна јаделе помалку од еднаш неделно. Кај лицата кои секојдневно консумираат пржена храна, тој ризик е за 14% поголем.
Претходни истражувања го поврзале консумирањето пржена храна со хроничните болести, како што се дијабетес тип 2, затајување на срцето, обезност и висок крвен притисок.
