Лекарите го опишуваат како “тивок“ срцев удар оти кога ќе се појави, на симптомите им недостасува интензитет на акутен срцев удар, како што се екстремна болка и притисок во градите, пробдувачка болка во раката, вратот или вилицата, изненадно отежнато дишење, потење и вртогалвица.
Симптомите на тивкиот инфаркт, предупредуваат лекарите може да бидат многу благи да траат кратко, поради што често се заменуваат со некои вообичаени, помалку сериозни тегоби и по правило, и поради тоа се занемаруваат.
“На пример, можно е да чувствувате умор или телесна нелагодност за што ќе го обивните напорната работна седмица, проблемите со спиењето или некои општи симптоми поврзани со годините. Останатите типични симптоми на тивкиот инфаркт, како блага болка во грлото и во градите, може да се заменат со симптоми на желудочен рефлукс, отежната дигестија и жиговина“, објаснуваат лекарите.
ПРЕДУПРЕДУВАЧКИ ЗНАЦИ НА ТИВКИОТ ИНФАРКТ НА МИОКАРДОТ
- Чувствувате нелагодност во средишниот дел на градниот кош која трае неколку минути, или се повлекува, па пак се појавува. Чувството е слично на нелагоден притисок, стегање и болка.
- Чувство на нелагодност во горниот дел од телото: во двете раце, грбот, вратот, вилицата или стомачната шуплина.
- Ве мачи краток здив пред или за време на нелагодноста во градите
- Ве облила ладна пот, чувствувате мачнина и замаеност.
